Libros, programas e manuais

Os programas das materias son oficiais, o Goberno liberal dentro da súa idea de control centraliza e uniformiza todos os institutos de España. Por esta razón era importante que fosen autónomos das institucións que os crearon.
O Decreto do Ministerio de Gobernación, do ministro liberal Pedro José Pidal e a Lei Moyano, de 1857 preparan o terreo para intervir e controlar os centros de secundaria.
Por un lado, os programas oficiais son os que fixan as materias e os seus niveis correspondentes. Por outro, os programas dos catedráticos son compendios de leccións a impartir durante o curso, adaptadas á metodoloxía propia e expostas nas portas das cátedras (aulas).

A súa importancia é alta, pois a eles refírense os exames de cada materia a finais de curso. Ambos tipos de programa conviviron case sempre pacificamente.
Hai que salientar na época da Restauración o respecto á autonomía do profesor.

EN VITRINA:
Manual de Física Xeral e Aplicada
Álgebra de Ruíz Tapiador
Tradutor Francés 4º ano
Síntesis de Historia de España
Elementos de Aritmética
Compendio de Retórica e Poética
Manual práctico da lingua grega
Programa de Xeografía e Historia
Diccionario de Ortografía
Catecismo de Astete
Programa de Ampliación de Física
Ortografía da RAE
Enchiridion